BINODAGI TA’MIRLASH ISHLARI HOLATI O‘RGANILDI

Xalq deputatlari Oqoltin tuman Kengashi raisi Sh.Eshbayev hamda Kengash kotibiyati mudiri N.Turdiyev tomonidan O‘zbekiston Respublikasi Prezidentining PQ-93-sonli qarori asosida Ko‘rkam diyor mahallasi hududida joylashgan tuman Sanitariya-epidemiologik osoyishtalik va jamoat salomatligi bo‘limi binosida amalga oshirilgan ta’mirlash ishlari holati o‘rganildi.

O‘rganish davomida binoda ta’mirlash ishlari amalga oshirilgan bo‘lsa-da, ayrim ishlar yakuniga yetkazilmagani aniqlandi. Jumladan, elektr-montaj va santexnika ishlari to‘liq bajarilmagan, isitish tizimi ulanmagan. Shuningdek, yong‘in xavfsizligini ta’minlash maqsadida binoning hovli qismida hovuz qurish ishlari yakunlanmagan hamda ayrim xonalarda ta’mirlash ishlari oxiriga yetkazilmaganligi aniqlandi.