PASTDARG‘OM TUMANIDA 10 MILLION DOLLARLIK INVESTITSIYA LOYIHASINI AMALGA OSHIRISH MASALASI MUHOKAMA QILINDI

🇺🇿🇹🇷Xalq deputatlari Pastdarg‘om tumani Kengashi deputati, tuman hokimi Jamshid Pardayev tumanimizga yirik ishlab chiqarish loyihalarini amalga oshirish maqsadida tashrif buyurgan investor, Turkiya Respublikasi fuqarosi Amanzade Habib bilan uchrashib, tumanda yangi investitsiya loyihalarini amalga oshirish, zamonaviy ishlab chiqarish korxonalarini tashkil etish va xorijiy investorlar bilan hamkorlikni kengaytirish masalalarini muhokama qildi.

✍️Uchrashuvda turkiyalik investor tomonidan Pastdarg‘om tumani 1-saylov okrugi hududida dastlab umumiy qiymati 10 million dollar bo‘lgan parfyumeriya va shokolad mahsulotlari ishlab chiqarish loyihasini amalga oshirish taklifi bildirildi.

🔎Loyihani Pastdarg‘omda amalga oshirish natijasida zamonaviy parfyumeriya ishlab chiqarish quvvatlarini tashkil etish, yangi ish o‘rinlari yaratish, mahalliy xomashyo va komponentlardan foydalanish imkoniyatlarini kengaytirish, shuningdek, kelgusida mahsulotlarni ichki va tashqi bozorlarga yo‘naltirish ko‘zda tutilmoqda.

👨‍💼Tomonlar loyihani amalga oshirish uchun zarur bo‘lgan yer maydoni, infratuzilma, ishlab chiqarish quvvatlarini joylashtirish va investitsiya loyihasini bosqichma-bosqich amalga oshirish masalalarini muhokama qildilar.

🇺🇿Pastdarg‘om tumani hokimligi xorijiy investorlar uchun zarur tashkiliy va huquqiy sharoitlarni yaratish, loyihalarni amalga oshirish jarayonida amaliy ko‘mak ko‘rsatishga tayyor ekanini bildirdi.