Xalq deputatlari Xorazm viloyati Kengashi deputati S. Sapoyev tomonidan hududda O‘zbekiston Respublikasining 2019-yil 7-noyabrdagi O‘RQ-581-sonli “Ko‘p kvartirali uylarni boshqarish to‘g‘risida”gi Qonuni ijrosi yuzasidan o‘rganish olib borildi.

 O‘rganish davomida ko‘p kvartirali uylarni saqlash va boshqarish, umumiy foydalanishdagi joylarning holati, ichki yo‘laklar va yerto‘lalarning tozaligi, hududlarni obodonlashtirish hamda yoritish masalalariga e’tibor qaratildi.

 Shuningdek, boshqaruv tashkilotlari faoliyati samaradorligi, uy-joy mulkdorlariga ko‘rsatilayotgan xizmatlar sifati va mavjud kamchiliklarni bartaraf etish masalalari ko‘rib chiqildi.

 Ko‘p kvartirali uylarni samarali boshqarish, aholiga munosib yashash sharoitlarini yaratish va umumiy mol-mulkni saqlash qonun talablarining amalda ta’minlanishida muhim ahamiyatga ega.

⚖ Huquqiy asos: O‘zbekiston Respublikasining 2019-yil 7-noyabrdagi O‘RQ-581-sonli “Ko‘p kvartirali uylarni boshqarish to‘g‘risida”gi Qonuni.