#deputat_faoliyati
#haftalik_ish_reja_ijrosi

QIZIL YARIM OY JAMIYATI BILAN HAMKORLIK YO‘LGA QO‘YILMOQDA

Xalq deputatlari Termiz tuman Kengashi deputati K. Abdullayeva tomonidan Qizil Yarim Oy jamiyati bilan hamkorlikda faoliyat olib borish yuzasidan kelishuvga erishildi.

Kelishuvdan ko‘zlangan maqsad aholini ijtimoiy qo‘llab-quvvatlash, fuqarolarning ehtiyojlarini o‘rganish hamda insonparvarlik tamoyillari asosida manzilli yordam ko‘rsatish ishlarini muvofiqlashtirishdan iborat.

Hamkorlik doirasida mahallalarda aholi bilan ishlash, fuqarolarning murojaatlarini o‘rganish, zarur hollarda tegishli yordamni tashkil etish va ijtimoiy yo‘nalishdagi tashabbuslarni birgalikda amalga oshirish masalalariga e’tibor qaratiladi.

Mazkur kelishuv deputatlik faoliyati doirasida jamoat tashkilotlari bilan hamkorlikni mustahkamlash hamda aholining ijtimoiy manfaatlarini ta’minlashga xizmat qiladi.