Xalq deputatlari Uchquduq tuman Kengashi deputati L. Karimova tomonidan Uchquduq tumanida 2026-yilda amalga oshiriladigan xizmat ko‘rsatish loyihalarining manzilli ro‘yxatini tasdiqlash bo‘yicha ishlar o‘rganildi.

🔎 O‘rganish davomida Xalq deputatlari Uchquduq tuman Kengashining 2026-yil 8-iyundagi VII-26-59-5-76-K/26-sonli qarori asosida Do‘stlik mahallasida joylashgan “Oltin ko‘l” majmuasida amalga oshirilishi belgilangan “Sohil bo‘yi” loyihasi doirasidagi ishlar hamda hudud infratuzilmasini yaxshilash choralari e’tibor markazida bo‘ldi.

🏗 Mazkur loyiha doirasida majmua kirish qismini ta’mirlash, 90 ta o‘rindiq o‘rnatish, temir to‘siqlarni o‘rnatish va ta’mirlash, bruschatka yotqizish, favvoralarni rekonstruksiya qilish, hududni obodonlashtirish va ko‘kalamzorlashtirish, ko‘cha chiroqlarini o‘rnatish hamda sug‘orish tizimini tashkil etish rejalashtirilgan.

💰 Loyiha uchun 4,5 milliard so‘m mablag‘ ajratilishi belgilangan.

✅ Deputatlik nazorati doirasida loyiha ijrosining belgilangan talablar asosida, sifatli va o‘z vaqtida amalga oshirilishi muhim ahamiyat kasb etadi.