#kunlik_ish_reja_ijrosi

«Yetimqum» mahallasida «mahalla yettiligi» faoliyati o‘rganildi

Xalq deputatlari tuman Kengashiga 10-Yetimqum saylov okrugidan saylangan deputat B. Ochildiyev o‘zi saylangan saylov okrugidagi «Yetimqum» mahallasida bo‘lib, mahalla yettiligi faoliyati bilan tanishdi.

O‘rganish davomida mahalla raisi, yoshlar yetakchisi hamda hokim yordamchisining o‘ziga biriktirilgan yo‘nalishlar bo‘yicha amalga oshirayotgan ishlari, aholi bilan ishlash, fuqarolarning murojaatlarini o‘rganish hamda mavjud muammolarni aniqlash borasidagi faoliyatiga e’tibor qaratildi.

Shuningdek, mahallada aholi bandligini ta’minlash, yoshlar bilan ishlash, tadbirkorlikni rivojlantirish va ijtimoiy ko‘makka muhtoj fuqarolarni qo‘llab-quvvatlash yo‘nalishlaridagi ishlar muhokama qilindi.

O‘rganish yakunlari bo‘yicha mahalla yettiligi faoliyatini yanada samarali tashkil etish, aholi murojaatlarini manzilli o‘rganish va mavjud muammolarni bartaraf etish yuzasidan tegishli tavsiya va takliflar bildirildi.

Mazkur yo‘nalishdagi ishlar deputatlik nazorati doirasida davom ettiriladi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram