Xalq deputatlari Chilonzor tumani Kengashi deputati, O‘zbekiston Xalq demokratik partiyasi a’zosi Mutalov Omonulla Nigmatullayevich tomonidan “Ko‘rkam” mahallasida joylashgan “G‘uncha” maktabgacha ta’lim muassasasining faoliyati va mavjud shart-sharoitlari o‘rganildi.

O‘rganish jarayonida muassasadagi ta’lim-tarbiya jarayonining tashkil etilishi, tarbiyalanuvchilar uchun yaratilgan sharoitlar, bino va xonalarning sanitariya-texnik holati, hududning obodonlashtirilishi hamda mavjud muammolar holatiga e’tibor qaratildi.

Shuningdek, maktabgacha ta’lim muassasasida bolalarning xavfsizligi, sog‘lom va qulay muhitda ta’lim-tarbiya olishi, zarur shart-sharoitlar bilan ta’minlanganligi masalalari ham ko‘rib chiqildi.

Aniqlangan muammo va kamchiliklarni bartaraf etish, muassasaning moddiy-texnik bazasini yaxshilash hamda tarbiyalanuvchilar uchun yanada qulay sharoitlar yaratish yuzasidan mas’ullarga tegishli taklif va tavsiyalar bildirildi.