Madaniyat va istirohat bog‘i faoliyati o‘rganildi

Xalq deputatlari Namangan shahar Kengashi kotibiyati mudiri N. Ubaydullayev hamda Xalq deputatlari Namangan shahar Kengashi deputati O. Yusupov tomonidan Namangan shahridagi Zahiriddin Muhammad Bobur nomidagi madaniyat va istirohat bog‘i faoliyati bilan yaqindan tanishildi.

O‘rganish jarayonida bog‘ hududida amalga oshirilayotgan obodonlashtirish va ko‘kalamzorlashtirish ishlari, tashrif buyuruvchilar uchun yaratilgan sharoitlar, xizmat ko‘rsatish sifati hamda mavjud infratuzilmaning holati atroflicha ko‘zdan kechirildi.

Shuningdek, attraksionlarning texnik sozligi, xavfsizlik talablari va ulardan foydalanish holati o‘rganilib, aholiga qulay va xavfsiz xizmat ko‘rsatishni ta’minlash masalalariga alohida e’tibor qaratildi.

O‘rganish yakunlari bo‘yicha aniqlangan kamchiliklarni bartaraf etish, xizmat ko‘rsatish sifatini yanada oshirish hamda bog‘ faoliyatini takomillashtirish yuzasidan mas’ullarga tegishli tavsiyalar berildi.