O‘zbekiston Respublikasi Prezidentining 2026-yil 11-sentabrdagi PF-193-son “Barqaror ish o‘rinlarini yaratish va kichik biznesni jadal rivojlantirish orqali aholi daromadlarini oshirish chora-tadbirlari to‘g‘risida”gi Farmoni bilan iqtisodiy faollikni oshirish, barqaror ish o‘rinlarini yaratish, aholi daromadlarini ko‘paytirish hamda kambag‘allikni qisqartirish bo‘yicha muhim vazifalar belgilangan.
Mazkur Farmon talablaridan kelib chiqib, hududlarda ehtiyojmand oilalar a’zolarini mehnat bozoriga faol jalb etish, ularning kasbiy ko‘nikmalarini shakllantirish va daromad manbalarini yaratish bo‘yicha amaliy choralarni kuchaytirish muhim ahamiyat kasb etadi.
Shu munosabat bilan Xalq deputatlari Sardoba tuman Kengashi deputati B.Boʻtayev tomonidan Xalqobod mahallasida Farmon ijrosi holati, olib borilayotgan ishlar tahlili hamda ish rejalari bilan tanishildi.