SAYYOR QABUL O‘TKAZILDI

Xalq deputatlari Namangan shahar Kengashining 8-Obi-hayot saylov okrugi deputati Yo. Maxkamova tomonidan “Ravnaq” mahalla fuqarolar yig‘inida sayyor qabul tashkil etildi.

Sayyor qabulda fuqarolar tomonidan ko‘tarilgan ijtimoiy-iqtisodiy, kommunal, infratuzilma, bandlik, ijtimoiy himoya hamda boshqa dolzarb masalalar atroflicha ko‘rib chiqildi. Xususan, uy-joy ta’miri, ichimlik suvi va elektr ta’minoti, yo‘llarni ta’mirlash, subsidiya va moddiy yordam ajratish bilan bog‘liq murojaatlar tinglandi.

Murojaatlarning bir qismi joyida ijobiy hal etildi. Qo‘shimcha o‘rganish talab etadigan masalalar yuzasidan tegishli tashkilot va mutasaddi rahbarlarga aniq topshiriqlar berilib, ularning ijrosi deputatlik nazoratiga olindi.

Shuningdek, qabul davomida fuqarolarga amaldagi qonunchilik normalari bo‘yicha huquqiy tushuntirishlar berildi hamda ularning taklif va tashabbuslari qo‘llab-quvvatlandi.

Aholi bilan ochiq muloqotni yo‘lga qo‘yish, ularning muammo va ehtiyojlarini tizimli o‘rganish hamda amaliy yechim topishga qaratilgan bunday sayyor qabullar izchil davom ettirilmoqda.

🟦🟦🟦🟦🟦🟦