Xalq deputatlari Qo‘qon shahar Kengashi deputati B.Usmanov tomonidan “To‘xlimergan” mahalla fuqarolar yig‘inida navbatdagi aholi qabuli tashkil etildi.

Qabul davomida fuqarolar bilan ochiq va samimiy muloqot o‘tkazilib, hududdagi mavjud muammolar, aholini qiynab kelayotgan ijtimoiy masalalar hamda ularni hal etish yo‘llari yuzasidan fikr almashildi.

Qabul jarayonida “To‘xlimergan” MFY, Olmazor ko‘chasi 4-uyda yashovchi fuqaro Muhammedov Dilshodjon farzandi Shuhratova Dilshodahon uchun buyrak jarrohlik amaliyotini o‘tkazish maqsadida bepul tibbiy yo‘llanma ajratilishida amaliy yordam ko‘rsatish yuzasidan murojaat qildi.

Murojaat deputat tomonidan atroflicha o‘rganilib, masalani amaldagi qonunchilik talablari asosida hal etish, tegishli tibbiyot va mas’ul tashkilotlar bilan hamkorlikda zarur choralarni ko‘rish bo‘yicha tegishli vazifalar belgilandi.

Xalq deputatlari Qo‘qon shahar Kengashi