🔰TAKRORIY MUROJAATLAR ASOSIDA DEPUTATLIK SO‘ROVI YUBORILDI

Xalq deputatlari Jondor tumani Kengashi deputati I. Xolov tomonidan “Mustaqillik” mahallasi Yuqori Mohoncho‘q hududida yashovchi fuqarolarning takroriy murojaatlari o‘rganildi.
🔹Murojaatlarda fuqarolar tomonidan yer uchastkalarini hisobga olish va kadastr ma’lumotlaridagi ayrim nomuvofiqliklar sabab yuzaga kelayotgan soliq yukini kamaytirish masalasida amaliy yordam so‘ralgan.
🔹Mazkur holatni o‘rganish davomida 2018-yilda yer uchastkalarini xatlovdan o‘tkazish jarayonida ayrim xato va kamchiliklarga yo‘l qo‘yilgani yuzasidan fuqarolarning murojaatlari asosli ravishda ko‘rib chiqilishi zarurligi qayd etildi.
🔹Shundan kelib chiqib, deputat I. Xolov fuqarolar murojaatlarida ko‘tarilgan masalalarni qonunchilikda belgilangan tartibda ko‘rib chiqish hamda 2018-yilda o‘tkazilgan xatlovdagi xato va kamchiliklarni bartaraf etish choralarini ko‘rishni so‘rab, Davlat kadastrlar palatasi Jondor tumani filiali rahbari J. Kuchkarov nomiga deputatlik so‘rovi yubordi.
🔹Deputatlik nazorati doirasida mazkur masalaning qonuniy va adolatli hal etilishi, fuqarolarning huquq va manfaatlari ta’minlanishi hamda murojaatlar yuzasidan tegishli amaliy choralar ko‘rilishi nazoratga olindi.

🇺🇿Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt