МАКТАБЛАРНИНГ КУЗ-ҚИШ МАВСУМИГА ТАЙЁРГАРЛИГИ ЎРГАНИЛДИ
Туман ҳокими, Халқ депутатлари Янгиқўрғон тумани Кенгаши депутати Нажмиддинов Асадулла Икромович бошчилигидаги ишчи гуруҳ томонидан 29- ва 42-сонли умумтаълим мактабларининг куз-қиш мавсумига тайёргарлик ҳолати ўрганилди.
Ўрганиш жараёнида таълим муассасаларининг иситиш тизими, қозонхоналарнинг мавсумга тайёрлиги, электр таъминоти, ёқилғи захираси, биноларнинг техник ҳолати ҳамда ўқувчилар учун яратилган шарт-шароитлар кўздан кечирилди.
Шунингдек, мавсум давомида юзага келиши мумкин бўлган муаммоларнинг олдини олиш, аниқланган камчиликларни тезкор бартараф этиш, мактабларни куз-қиш мавсумини беталафот ўтказишга тўлиқ тайёрлаш ҳамда ҳудудларда ободонлаштириш ишларини жадаллаштириш бўйича масъулларга тегишли кўрсатма ва топшириқлар берилди.
Таълим муассасаларида барқарор иссиқликни таъминлаш, ўқувчилар ва педагоглар учун хавфсиз ҳамда қулай шароит яратиш масалалари доимий назоратда бўлади.