“Yoshlarga oid davlat siyosati to‘g‘risida”gi Qonun ijrosi o‘rganildi

📍 Xalq deputatlari O‘rta Chirchiq tuman Kengashining 1-O‘choqli saylov okrugi deputati K.Bayzakov hamda tuman Kengashi kotibiyati bosh mutaxassisi Sh.Sidikovalar tomonidan tuman Yoshlar ishlari bo'limida O‘zbekiston Respublikasining 2016-yil 14-sentabrdagi O‘RQ-406-sonli “Yoshlarga oid davlat siyosati to‘g‘risida”gi Qonuni ijrosi o‘rganildi.

⚜️ O‘rganish davomida yoshlarga oid davlat siyosatini amalga oshirish, yoshlarning huquq va manfaatlarini himoya qilish, ularning ta’lim olishi, kasb-hunar egallashi, bandligini ta’minlash hamda bo‘sh vaqtlarini mazmunli tashkil etish borasida amalga oshirilayotgan ishlar holatiga e’tibor qaratildi.

⚜️Yoshlarni har tomonlama qo‘llab-quvvatlash, ularning ijtimoiy faolligini oshirish, iste’dod va qobiliyatlarini ro‘yobga chiqarish, sog‘lom turmush tarzini targ‘ib qilish hamda yoshlar bilan ishlash samaradorligini oshirish bo‘yicha amalga oshirilayotgan chora-tadbirlar o‘rganildi.

⚜️O‘rganish jarayonida mas’ul xodimlar bilan suhbat o‘tkazilib, yoshlarning murojaatlari va muammolarini o‘z vaqtida aniqlash, ularni hal etish hamda qonunchilikda belgilangan huquq va imkoniyatlardan foydalanishlari uchun zarur shart-sharoitlarni yaratish masalalari muhokama qilindi.

✅Xalq deputatlari O‘rta Chirchiq tuman Kengashi kotibiyati axborot xizmati!