Xalq deputatlari Qo‘qon shahar Kengashiga “Noib ko‘prigi” saylov okrugidan saylangan deputat M.Yunusov tomonidan “Nonvoylik guzar” mahalla fuqarolar yig‘inida “Mahalla yettiligi” a’zolari bilan navbatdagi uchrashuv o‘tkazildi.

Uchrashuv davomida mahalladagi mavjud ijtimoiy-iqtisodiy holat, aholi bilan ishlash tizimi, fuqarolardan kelib tushayotgan murojaatlar hamda ularni o‘z vaqtida hal etish masalalari atroflicha muhokama qilindi. Shuningdek, ehtiyojmand oilalarni aniqlash va qo‘llab-quvvatlash, aholi bandligini ta’minlash, oilalarning daromad manbalarini oshirish hamda tadbirkorlik tashabbuslarini qo‘llab-quvvatlash borasidagi ishlar yuzasidan fikr almashildi.

“Mahalla yettiligi” a’zolari bilan hamkorlikda har bir xonadonning ijtimoiy holatini o‘rganish, mavjud muammolarni aniqlash va ularni tegishli tashkilotlar bilan hamkorlikda amaliy hal etish muhimligi ta’kidlandi.

Shuningdek, mahallada ishsiz fuqarolarni kasb-hunarga yo‘naltirish, mavjud imkoniyatlardan samarali foydalanish, yangi ish o‘rinlarini yaratish va aholi uchun barqaror daromad manbalarini shakllantirish masalalariga alohida e’tibor qaratildi.

Uchrashuv yakunida mahallada aholi bilan ishlash samaradorligini yanada oshirish, fuqarolar murojaatlariga tezkor va amaliy yechim topish, ehtiyojmand oilalarni qo‘llab-quvvatlash hamda “Mahalla yettiligi” faoliyatini yanada muvofiqlashtirish bo‘yicha tegishli tavsiya va takliflar bildirildi.

Xalq deputatlari Qo‘qon shahar Kengashi