Xalıq deputatları Bozataw rayonlıq Keńesi 3-sanlı "Mádeniyat" saylaw okruginen saylanǵan deputat G.Yusupova 2-sanlı balalar baqshasına bardı.
Deputattı mákemeniń baslıǵı K.Sayıpnazarova kútip alıp, baqshanıń búgingi jumısı, balalarǵa jaratılǵan sharayatlar hám qáwipsizlikti támiyinlew boyınsha ámelge asırılıp atırǵan jumıslar menen tanıstırdı.

Deputat úyreniw barısında mektepke shekemgi bilimlendiriw mákemesinde órt qáwipsizligin támiyinlew, órttiń aldın alıw hám ayrıqsha jaǵdaylardıń aldın alıwǵa baǵdarlanǵan texnikalıq qurılmalardıń bar-joqlıǵı hám olardıń texnikalıq jaǵdayı kórip shıǵıldı.
Sonday-aq, balalar hám mákemede isleytuǵın xızmetkerler ushın qáwipsiz sharayatlardı támiyinlew, órt qáwipsizligi talaplarına ámel etiw hám ayrıqsha jaǵdaylarda tez hám durıs háreket etiwge tayarlıq máselelerine itibar qaratıldı.
Úyreniw nátiyjeleri tiykarında anıqlanǵan máselelerdi sapalı sheshiw, qáwipsizlik sharayatların jáne de jaqsılaw hám balalar ushın qáwipsiz ortalıqtı támiyinlew boyınsha tiyisli usınıslar bildirildi.