Xalq deputatlari Chilonzor tumani Kengashi deputati, EP a'zosi Isxakov Doniyor Mahmudovich tomonidan 178-sonli umumiy o‘rta ta’lim maktabida olib borilgan o‘rganish davomida maktabning oshxonasidagi sanitariya-gigiyena holati, oziq-ovqat tayyorlash uchun foydalaniladigan jihozlarning texnik holati, yong‘in xavfsizligi talablari va mavjud o‘t o‘chirish vositalarining sozligi ko‘zdan kechirildi.

Shuningdek, o‘rganish davomida maktab oshxonasida yong‘in xavfsizligini ta’minlash, yong‘in o‘chirish vositalarining mavjudligi va texnik sozligi, ularning belgilangan joylarda joylashtirilishi, evakuatsiya yo‘laklari hamda elektr jihozlaridan foydalanish xavfsizligi masalalariga alohida e’tibor qaratildi.

Oshxonadagi gaz va elektr jihozlaridan foydalanish tartibi, yong‘in kelib chiqishining oldini olish bo‘yicha profilaktik chora-tadbirlar hamda xodimlarning favqulodda vaziyatlarda harakatlanish qoidalari yuzasidan mas’ullar bilan fikr almashildi. Aniqlangan kamchiliklarni bartaraf etish va yong‘in xavfsizligi talablariga rioya etilishini kuchaytirish bo‘yicha tavsiyalar berildi.