Xalq deputatlari Chilonzor tumani Kengashi deputati, O‘zMTDP a’zosi Mavlonov Azam Qarshiyevich tomonidan Xirmontepa mahallasida istiqomat qiluvchi ijtimoiy himoyaga muhtoj oilalar bilan ishlash, ularning muammolarini o‘rganish va mavjud masalalarga amaliy yechim topish maqsadida xonadonbay o‘rganish ishlari olib borildi.

O‘rganish jarayonida 19-42-73, 19-47-64 va 19-39-2-xonadonlarda istiqomat qiluvchi, Ijtimoiy reyestrga kiritilgan oilalar bilan suhbatlar o‘tkazilib, ularning ijtimoiy-iqtisodiy sharoiti, oilaviy holati va mavjud muammolari atroflicha o‘rganildi.

Suhbat davomida oilalarning ehtiyojlari, murojaatlari hamda ijtimoiy qo‘llab-quvvatlashga bo‘lgan talablari tinglandi. Aniqlangan muammolarni tegishli tashkilotlar bilan hamkorlikda hal etish, aholiga manzilli yordam ko‘rsatish va oilalarning turmush sharoitini yaxshilash masalalariga alohida e’tibor qaratildi.

Deputat tomonidan fuqarolar bilan ochiq muloqot o‘rnatish, ularning murojaatlarini joyida o‘rganish hamda muammolarni amaliy hal etish bo‘yicha ishlarni davom ettirish muhimligi ta’kidlandi.