Masala yuzasidan shahar Kambag‘allikni qisqartirish va bandlikka ko‘maklashish bo‘limi boshlig‘ining hisoboti tinglanib, belgilangan vazifalar ijrosi va erishilgan natijalar tahlil qilinmoqda.

Shuningdek, Xalq deputatlari Termiz shahar Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi Mustafakulov Abdikadir Djuraxolovich tomonidan masala yuzasidan axborot berilmoqda.

Muhokama davomida yangi doimiy ish o‘rinlarini yaratish, aholining daromad manbalarini kengaytirish, norasmiy ish o‘rinlarini legallashtirish, aholini moliyaviy qo‘llab-quvvatlash hamda kambag‘allikka tushib qolish xavfi mavjud oilalar bilan manzilli ishlash masalalariga alohida e’tibor qaratilmoqda.

Deputatlar tomonidan mas’ullarga savollar berilib, belgilangan ko‘rsatkichlarni yil yakuniga qadar to‘liq bajarish, mavjud imkoniyatlardan samarali foydalanish va aholining bandligini ta’minlash yuzasidan taklif va mulohazalar bildirilmoqda.