⚖️ Deputatning daxlsizligi — qonun bilan kafolatlangan huquqiy himoya
Deputatlik faoliyatining samarali va xolis amalga oshirilishida deputatning huquqiy himoyasi muhim ahamiyatga ega. Deputatning daxlsizligi — qonun bilan kafolatlangan huquqiy himoya bo‘lib, u deputatga o‘z vakolatlarini erkin va mustaqil amalga oshirish imkonini beradi.
Deputat o‘z vakolatlarini amalga oshirish jarayonida qonunchilikda belgilangan huquq va kafolatlardan foydalanadi. Jumladan, deputatlik faoliyati bilan bog‘liq masalalarda deputatning huquqlari, sha’ni va qadr-qimmatini himoya qilish qonun bilan ta’minlanadi.
Deputat daxlsizligi — deputatni qonunlardan ustun qo‘yish yoki javobgarlikdan ozod etish degani emas. Aksincha, ushbu huquqiy kafolat deputatning xalq manfaatlarini ifodalash, murojaat va takliflarni ko‘tarish, deputatlik nazoratini amalga oshirish hamda o‘z vakolatlarini qonun doirasida mustaqil bajarishi uchun yaratilgan.