Mahalliy Kengash deputatlari faoliyatining eng muhim yo‘nalishlari bo‘yicha 24 tavsiya asosida amaliy ishlar olib borilmoqda.

Xalq deputatlari Andijon shahar Kengashi raisi R. Ziyayev hamda Korrupsiyaga qarshi kurashish va xavfsizlik masalalari bo‘yicha doimiy komissiya raisi A. Appaqov “Maydon bozori” MFYda bo‘lishdi.

Tashrif davomida aholi murojaat va muammolarini o‘rganish, ularni hal etishda “Mahalla yettiligi” faoliyati samaradorligini oshirish, shuningdek, korrupsiyaning oldini olish, uning kelib chiqish sabablari va salbiy oqibatlariga yo‘l qo‘ymaslik bo‘yicha tushuntirish ishlari olib borildi.

Maqsad — mahallalarda muammolarni manzilli o‘rganish, fuqarolar manfaatlarini himoya qilish va ochiqlik hamda qonuniylikni ta’minlash.