Xalq deputatlari Andijon shahar Kengashi deputati, O‘zbekiston “Adolat” SDP Andijon viloyati Kengashi raisining birinchi o‘rinbosari Q. Qayumov tomonidan Izboskan tumani A. Jomiy MFY, Ziyoratgoh ko‘chasi, 148-uyda yashovchi fuqaro Rahmonov Odiljonning ijtimoiy holati bilan tanishildi.

Fuqaroning turmush o‘rtog‘i vafot etgan bo‘lib, 3 nafar farzandni tarbiyalamoqda. Onasi va qizi Inobatxonning sog‘lig‘idagi muammolar hamda doimiy parvarishga ehtiyoji sababli doimiy ish bilan shug‘ullanish imkoniyati cheklangan.

Shuningdek, xonadon ta’mirtalab holatda ekani, qizi Inobatxon esa davolanish va jarrohlik amaliyotiga muhtojligi qayd etildi.

Oilani ijtimoiy qo‘llab-quvvatlash, mavjud muammolarni qonuniy tartibda hal etish hamda zarur amaliy yordam ko‘rsatish masalasi deputatlik nazoratiga olindi.