📌 O‘smat dehqon bozoridagi narx-navo va tozalik holati o‘rganildi
Xalq deputatlari Baxmal tuman Kengashi raisi A. Zikiryayev tumandagi markaziy “O‘smat dehqon bozori”da bo‘lib, aholi uchun yaratilgan sharoitlar, mahsulotlar narxi va sanitariya holati bilan tanishdi.
O‘rganish davomida asosiy turdagi oziq-ovqat va qishloq xo‘jaligi mahsulotlari narxlarining barqarorligi, sun’iy narx oshirilishining oldini olish hamda bozor hududidagi tozalik va sanitariya-gigiyena qoidalariga rioya etilishi ahvoli tahlil qilindi. Kengash raisi sotuvchilar va xaridorlar bilan muloqot qilib, ularning fikr-mulohazalarini tingladi.
Aniqlangan kamchiliklarni bartaraf etish, narx-navo barqarorligini ta’minlash hamda bozor hududida doimiy tozalik ishlarini tizimli tashkil etish yuzasidan bozor ma’muriyati va mas’ul idora rahbarlariga qat’iy topshiriqlar berildi.