Tuman Kengashi deputati A.Bo‘tayev hamda Kengash kotibiyati bosh mutaxassisi Sh.Suvankulov ishtirokida Boyovut tumani Navro‘z mahallasida joylashgan 46-sonli umumiy o‘rta ta’lim maktabining 2026/2027-yilgi kuz-qish mavsumiga tayyorgarlik holati o‘rganildi.

O‘rganish davomida maktab binosining mavsumga tayyorgarligi, isitish tizimining texnik holati hamda mavjud shart-sharoitlar ko‘zdan kechirildi.

Ma’lumot uchun, mazkur maktab binosi 2025-yilda kapital ta’mirdan chiqarilib, foydalanishga topshirilgan. Maktabning isitish tizimini ta’minlash maqsadida 3 dona chiller qurilmasi o‘rnatilgan bo‘lib, ular tabiiy gaz yoqilg‘isida ishlaydi. O‘rnatilgan isitish tizimi orqali maktabning asosiy binosi to‘liq isitiladi.

Bugungi o‘rganish jarayonida isitish tizimi va chiller qurilmalarining ishlash holati ko‘zdan kechirilib, mavsumga tayyorgarlik borasida muammo va kamchiliklar aniqlanmadi.

Ayni paytda 46-sonli umumiy o‘rta ta’lim maktabida 781 nafar o‘quvchi tahsil olmoqda.