Yangioboddagi ichki yo‘lni ta’mirlash masalasi deputatlik so‘rovi asosida ko‘tarildi

Xalq deputatlari Jondor tumani Kengashi deputati R. Bozorova tomonidan saylov okrugi hududidagi aholi uchun muhim bo‘lgan infratuzilma masalasiga e’tibor qaratildi.
✔️Jondor tumani Romish mahallasi Yangiobod qishlog‘idagi “Yangiobod” temir yo‘l stansiyasiga olib boruvchi ichki yo‘lning holati o‘rganilib, mazkur yo‘lni ta’mirlash zarurati yuzaga kelgan.
✔️Shu munosabat bilan deputat R. Bozorova tomonidan ushbu ichki yo‘lni ta’mirlash masalasini hal etish yuzasidan tuman hokimi o‘rinbosari X. Bafoyev nomiga deputatlik so‘rovi yuborildi.
✔️Deputatlik so‘rovida aholi va yo‘lovchilar uchun qulay va xavfsiz harakatlanish sharoitini yaratish, yo‘lning mavjud holatini yaxshilash hamda uni ta’mirlash ishlarini tashkil etish masalalariga alohida e’tibor qaratilgan.
✔️Mazkur tashabbus aholining kundalik hayotida muhim ahamiyatga ega bo‘lgan yo‘l infratuzilmasini yaxshilash, fuqarolarning murojaatlarini amalda hal etish va hudud obodligini ta’minlashga qaratilgan.
✔️Deputat R. Bozorova tomonidan ushbu masalaning ijrosi nazoratga olinib, yo‘lni ta’mirlash bo‘yicha amaliy choralar ko‘rilishi kutilmoqda.