DAVLAT TILI — MILLIY QADRIYAT VA AMALIY MAS’ULIYAT
O‘zbekiston Respublikasining “Davlat tili haqida”gi Qonuni talablarini hayotga izchil tatbiq etish, davlat tilining nufuzi va mavqeini yanada yuksaltirish hamda uning xizmat ko‘rsatish sohasidagi amaliy qo‘llanilishini ta’minlash borasida hududlarda tizimli ishlar olib borilmoqda.
📌 O‘zbekiston Respublikasi Vazirlar Mahkamasining 2026-yil 2-yarim yilligiga mo‘ljallangan ish rejasini tasdiqlash to‘g‘risidagi 78-son bayonining 8-ilovasi 16-bandida belgilangan vazifalar ijrosi yuzasidan ishchi guruh tomonidan Pastdarg‘om tumani hududidagi umumiy ovqatlanish shoxobchalarida o‘rganish ishlari olib borildi.
🔎 O‘rganishlar davomida umumiy ovqatlanish obyektlarida:
▪️ iste’molchilarga taqdim etilayotgan taomnomalarning davlat tilida rasmiylashtirilganligi;
▪️ taom va ichimliklar nomlarining adabiy til me’yorlariga muvofiqligi;
▪️ iste’molchilarga taqdim etilayotgan axborotning davlat tilida ifodalanganligi holatiga alohida e’tibor qaratildi.