Xalq deputatlari Parkent tuman Kengashiga 16-“Bodomtepa” saylov okrugidan saylangan deputat Ashirmatova Xurshida Soliyevna tomonidan hududdagi ijtimoiy soha obyektlarining holatini o‘rganish va jamoatchilik nazoratini amalga oshirish doirasida Parkent tumanidagi 7-sonli umumiy o‘rta ta’lim maktabida nazorat-tahlil tadbiri o‘tkazildi.Jamoatchilik nazorati davomida maktabdagi sport zalining umumiy holati, mavjud sport anjomlari va inventarlarining texnik holati, shuningdek, ulardan foydalanish samaradorligi ko‘zdan kechirildi.Jumladan, sport zalining yoritilishi, isitish tizimi, pol qoplamasi, xavfsizlik talablari hamda mavjud jihozlarning holatiga e’tibor qaratildi.O‘rganish jarayonida sport zalidan o‘quvchilar bilan bir qatorda mahalla aholisi va uyushmagan yoshlar ham foydalanayotgani,ommaviy sportni rivojlantirish hamda yoshlar o‘rtasida sog‘lom turmush tarzini targ‘ib etishga qaratilgan tadbirlar tashkil etib kelinayotgani qayd etildi.Deputat tomonidan o‘rganish yakunlari asosida sport inshootidan samarali foydalanishni yanada yaxshilash, mavjud sharoitlarni
takomillashtirish va aniqlangan masalalarni bartaraf etish yuzasidan tegishli takliflar bildirildi.Mazkur jamoatchilik nazorati tadbiri hududdagi ta’lim muassasalarida yaratilgan sharoitlarni o‘rganish, mavjud holatni tahlil
qilish va aniqlangan masalalarni deputatlik nazorati orqali hal etishga qaratildi.