Ijtimoiy himoya — har bir fuqaroning qonuniy huquqi

➡️Ijtimoiy reyestr fuqarolarning davlat tomonidan ko‘rsatiladigan ijtimoiy yordam va qo‘llab-quvvatlash choralaridan foydalanishini ta’minlashda muhim vosita hisoblanadi. Shu bois fuqaroni ijtimoiy reyestrga kiritishni asossiz rad etish yoki uni majburan, sun’iy ravishda reyestrdan chiqarish mutlaqo yo‘l qo‘yib bo‘lmaydigan holatdir.
➡️Deputat sifatida men, avvalo, aholining ijtimoiy himoyaga muhtoj qatlamlari manfaatlari qonuniy va adolatli himoya qilinishi tarafdoriman. Har bir fuqaroning murojaati xolis o‘rganilishi, ijtimoiy reyestrdagi maqomi faqat qonunchilikda belgilangan mezonlar asosida ko‘rib chiqilishi lozim.
➡️Ayniqsa, davlat tomonidan kafolatlangan yordamdan foydalanayotgan fuqarolarni turli asossiz sabablarga ko‘ra ushbu imkoniyatdan mahrum qilishga yo‘l qo‘yilmasligi kerak. Bunday holatlar aniqlansa, mas’ul mansabdor shaxslarning harakatlariga huquqiy baho berilib, tegishli choralar ko‘rilishi adolat tamoyilining muhim kafolatidir.
➡️Fuqarolarning ijtimoiy huquqlarini ta’minlash, murojaatlarini o‘z vaqtida ko‘rib chiqish va muammolarini qonuniy hal etish — deputatlik faoliyatining ustuvor yo‘nalishlaridan biridir.
👉Adolatli va manzilli ijtimoiy himoya — aholi farovonligining muhim kafolatidir.

Oqila Muzaffarova,
Xalq deputatlari Jondor tumani Kengashi deputati,