Saylovchilar bilan ochiq muloqot: murojaatlar e’tiborda

🇺🇿Xalq deputatlari Jondor tumani Kengashiga 9-«Obod» saylov okrugidan saylangan deputat B. Yusupov hamda tuman Kengashi kotibiyati mudiri I. Xolov hamkorligida Obod mahalla fuqarolar yig‘inida saylovchilar bilan ochiq muloqot o‘tkazildi.
✔️Muloqot davomida mahalla aholisining kundalik hayotida uchrayotgan muammolar, hududdagi ijtimoiy va infratuzilma masalalari yuzasidan fikr-mulohazalar tinglandi. Fuqarolar o‘zlarini qiziqtirayotgan masalalar bo‘yicha bevosita deputatga murojaat qilib, taklif va mulohazalarini bildirdi.
✔️Uchrashuvda bildirilgan har bir murojaat e’tibor bilan o‘rganilib, ularni hal etish yuzasidan mas’ul tashkilotlar bilan hamkorlikda amaliy choralar ko‘rish muhimligi ta’kidlandi.
✔️Bunday ochiq muloqotlar deputatning saylovchilar oldidagi mas’uliyatini yanada oshirish, aholi bilan bevosita muloqotni mustahkamlash hamda joylardagi muammolarni o‘z vaqtida aniqlab, ularning yechimiga ko‘maklashishda muhim ahamiyat kasb etadi.

👉Saylovchi murojaati — deputat e’tiborida. Aholi bilan ochiq muloqot esa samarali vakillikning muhim mezonidir.