O‘zbekiston Respublikasi Prezidenti Shavkat Mirziyoyevning 7–8 sentabr kunlari Serbiya Respublikasiga rasmiy tashrifi mamlakatlarimiz o‘rtasidagi do‘stona munosabatlarni yanada mustahkamlash, o‘zaro manfaatli hamkorlikni kengaytirish va yangi istiqbolli loyihalarni amalga oshirishda muhim qadam bo‘ladi.
🔵Serbiya Prezidenti Aleksandr Vuchichning taklifiga binoan amalga oshirilayotgan mazkur tashrif doirasida siyosiy, savdo-iqtisodiy, investitsiyaviy va gumanitar sohalardagi hamkorlikni rivojlantirishga alohida e’tibor qaratilishi kutilmoqda.
🔵Deputat sifatida ushbu tashrifni O‘zbekistonning xalqaro nufuzini yanada yuksaltirish, xorijiy davlatlar bilan manfaatli sheriklikni mustahkamlash hamda xalqimiz farovonligiga xizmat qiladigan yangi imkoniyatlarni yaratish yo‘lidagi muhim tashabbus, deb baholayman.
🔵Ishonamanki, Prezidentimizning Serbiyaga rasmiy tashrifi O‘zbekiston — Serbiya munosabatlarini sifat jihatidan yangi bosqichga olib chiqadi.

Oqila Muzaffarova,
Xalq deputatlari Jondor tumani Kengashi deputati