Xalq deputatlari Parkent tuman Kengashiga 9-“Qo‘rg‘on” saylov okrugidan saylangan deputat To‘ychiyev Naimjon Yusupovich tomonidan o‘zi saylangan okrug hududidagi “T.Rizayev” mahalla fuqarolar yig‘inida joylashgan 48-sonli umumiy o‘rta ta’lim maktabining yangi o‘quv yiliga hamda kuz-qish mavsumiga tayyorgarlik holati deputatlik nazorati doirasida o‘rganildi.O‘rganish jarayonida ta’lim muassasasining isitish tizimi, isitish uskunalari va qozonxonalarining texnik holati, issiqlik uzatish tarmoqlarining sozligi, shuningdek, o‘quvchilar uchun xavfsiz va munosib sharoitlar yaratilganligi masalalariga alohida e’tibor qaratildi.O‘rganish davomida maktabda yangi o‘quv yiliga tayyorgarlik ishlari izchil olib borilayotgani ma’lum bo‘ldi. Jumladan, maktabdagi sinfxonalarni ta’mirlash ishlari amalga oshirilmoqda va mazkur ishlarni 15-avgustga qadar
yakunlash rejalashtirilgan.Shuningdek, ta’lim muassasasining kuz-qish mavsumiga tayyorgarlik ishlari kuz-qish mavsumi buyicha amalga oshirilishi lozim bulgan ishlar kisman bajarilgan tayerlash ishlari davom etmokda. Maktabdagi qozonxonalar foydalanishga tayyor holatga keltirilgan bo‘lib, yong‘in xavfsizligi vositalari va zarur anjomlar bilan ta’minlangan.O‘rganish yakunida maktabning yangi o‘quv yiliga va kuz-qish mavsumiga tayyorgarlik ishlarini belgilangan muddatlarda yakunlash, mavjud kamchiliklarni bartaraf etish hamda o‘quvchilar uchun xavfsiz va qulay ta’lim muhitini ta’minlash yuzasidan tegishli tavsiyalar berildi.