⚡️ Xalq deputatlari Chinoz tumani Kengashiga "O‘zLiDeP" partiyasidan 15-Istiqlol saylov okrugidan saylangan deputat Olimjon Dadajonovga biriktirilgan Kengash kotibiyati bosh mutaxassisi B. Ortiqboyev tomonidan Kengashning ish rejasiga asosan tumandagi Nafis MFY hududida joylashgan Olmazor dehqon bozorida aholi iste’moli uchun eng zarur oziq-ovqat mahsulotlarining narx-navosi, mahsulotlar yetarliligi hamda sanitariya-gigiyena holati o‘rganildi.

📝 Nazorat tadbirining asosiy maqsadi aholini sifatli va xavfsiz oziq-ovqat mahsulotlari bilan ta’minlash, bozorlarda narx-navolar barqarorligini saqlash, savdo madaniyatini yuksaltirish, iste’molchilar manfaatlarini himoya qilish hamda sanitariya-gigiyena talablariga qat’iy rioya etilishini ta’minlashdan iborat bo‘ldi.

🔎 O‘rganish davomida:
savdo rastalari faoliyati;
mahsulotlarning sifati va yetarliligi;
narx-navolarning barqarorligi;
sanitariya-gigiyena holati;
oziq-ovqat mahsulotlarini saqlash sharoitlari;
sotuvchilarning sanitariya qoidalariga rioya qilishi;
savdo joylarining tozaligi va chiqindilarni belgilangan tartibda olib chiqilishi;
xaridorlar uchun yaratilgan qulayliklar atroflicha ko‘zdan kechirildi.

✅ Shuningdek, "Arzonlashtirilgan savdo yarmarkasi" faoliyati ham o‘rganilib, go‘sht, guruch, piyoz, sabzi, kartoshka va boshqa asosiy turdagi oziq-ovqat mahsulotlarining narxlari, sifati hamda aholiga yetkazib berilish jarayonlari tahlil qilindi.

🤝 Nazorat tadbiri davomida bozor ma’muriyati, mas’ul mutasaddilar, tadbirkorlar, sotuvchilar va xaridorlar bilan ochiq muloqotlar o‘tkazildi. Fuqarolarning fikr va takliflari tinglanib, mavjud holat yuzasidan tegishli tavsiyalar berildi.

✨ O‘rganish yakunida mutasaddilarga aholini zarur mahsulotlar bilan uzluksiz ta’minlash, narx-navolar barqarorligini saqlash, savdo madaniyatini yuksaltirish hamda sanitariya-gigiyena talablariga qat’iy rioya etish, bozor hududi va savdo rastalarini doimiy toza saqlash, mahsulotlarni belgilangan sanitariya me’yorlari asosida saqlash va sotishni ta’minlash yuzasidan zarur tavsiyalar berildi.