Oilalarda tinchlik-totuvlikni ta’minlash, ajrimlarning oldini olish hamda mahalla ahlining jipsligini oshirish deputatlar va mahalla faollarining doimiy e’tiborida. Xalq deputatlari Jalaquduq tuman Kengashi deputati Abdumo‘minova Nafisaxon mahalla faoli bilan birgalikda Oxunboboyev MFY hududidagi nizoli hamda ajrim yoqasiga kelib qolgan oilalar xonadonlarida bo‘lib, ularni yarashtirish va oilaviy muhitni sog‘lomlashtirish borasida amaliy ishlarni olib bormoqda.Olib borilayotgan amaliy muloqotlar davomida: Nizolarni bartaraf etish: Deputat va mahalla faoli hamkorligida kelishmovchiliklar sabablari atroflicha o‘rganilib, taraflar murosa va hamjihatlikka chaqirilmoqda; Hayotiy va huquqiy maslahatlar: Yosh er-xotinlar va oila a’zolariga oila muqaddasligi, o‘zaro hurmat va sabr-toqat tushunchalari tushuntirilmoqda; Ijtimoiy qo‘llab-quvvatlash: Oila a’zolarini qiynayotgan maishiy va ma’naviy masalalarga joyida yechim izlanmoqda.Deputat va mahalla faollarining hamkorlikdagi bu kabi amaliy sa’y-harakatlari natijasida oilalardagi kelishmovchiliklarga barham berilib, jamiyatda oila mustahkamligini ta’minlashga erishilmoqda.