Sessiya kun tartibiga ko‘ra:

1️⃣ Tumanda “Infratuzilma va ijtimoiy barqarorlik” jamg‘armasiga yo‘naltirilgan mablag‘lardan foydalanish masalasi muhokama qilindi.

2️⃣ Xalq deputatlari Mirzacho‘l tumani Kengashi kotibiyatining moddiy-texnik bazasini mustahkamlash hamda texnik vositalar xarid qilish uchun mablag‘ ajratish masalasi ko‘rib chiqildi.

3️⃣ “Infratuzilma va ijtimoiy barqarorlik jamg‘armasi” mablag‘lari hisobidan tumanda aholining hayot kechirishiga salbiy taʼsir ko‘rsatayotgan ijtimoiy-iqtisodiy, tashkiliy-amaliy hamda infratuzilmaviy muammolarni bartaraf etish masalasi muhokama qilindi.

4️⃣ Mahalliy budjetning qo‘shimcha manbalari hisobidan mablag‘larni yo‘naltirish masalasi ko‘rib chiqildi.

5️⃣ “Fuqarolar tashabbusi jamg‘armasi” mablag‘lari hisobidan “Ochiq budjet” axborot portali orqali 2026-yil birinchi bosqichida eng ko‘p ovoz to‘plab g‘olib deb topilgan takliflar uchun mablag‘ ajratish masalasi muhokama qilindi.

6️⃣ Mirzacho‘l tumani bo‘yicha 2026-yil vegetatsiya davrida sug‘orish ishlari uchun ajratilgan suv limiti tasdiqlandi.

7️⃣ O‘zbekiston Respublikasi Vazirlar Mahkamasining 2024-yil 11-oktabrdagi 665-son qaroriga asosan tumandagi ichki yo‘llarni saqlash va joriy taʼmirlash ishlari bo‘yicha 2026-yil uchun dastlabki manzilli ro‘yxat tasdiqlandi.

8️⃣ Tuman hokimining 2026-yil 2-apreldagi 47-3-51-Q/26-sonli qarorini tasdiqlash masalasi ko‘rib chiqildi.

Sessiya davomida deputatlar tomonidan masalalar yuzasidan fikr va mulohazalar bildirilib, tegishli takliflar ilgari surildi.

Sessiya yakunida kun tartibidagi barcha masalalar yuzasidan tegishli qarorlar qabul qilindi.