Xalq deputatlari Xorazm viloyati Kengashiga 8-Dehqonbozor saylov okrugidan saylangan deputat S.Sopayev Bogʻot tumani Dehqonobod, Hunarmand, Uzumzor, Oʻzgarish, Ma’naviyat, Sohibkor, Koʻhna birlashuv, O.Otajonov, Nurafshon, Ashxobod, Nurli maskan, Gulshan mahallalarida boʻlib aholi bilan uchrashuvlar tashkil qilindi. 

Dehqonobod mahallasida oʻtkazilgan uchrashuvda aholi tomorqa yerlaridan unumli foydalanish maqsadida mahalla hududidan oʻtgan Osyop kanali 10 yillab qazilmasdan qolgan uchun kanalni qazish taklif qilindi. Shuningdek, Uzumzor, Hunarmand, Oʻzgarish mahallalarida ham kanal qazish muammosi aytib oʻtildi va bu boʻyicha tushuntirishlar berildi. 

Bundan tashqari saylovchilar bilan uchrashuvlarda qator muammoli masalalar, xususan, Ma’naviyat mahallasida Maktab oldiga svetofor oʻrnatish, Sohibkor mahallasida ichimlik suvi oʻtkazish, Nurafshon mahallasida Tuman mol bozorini koʻchirish, koʻkaldosh va Ezgulik koʻchalariga shagʻal yotqizish hamda Ezgulik koʻchasiga yangi transformator oʻrnatish, Nurli maskan mahallasida koʻchalarga shagʻal yotqizish, Olchazor va Xalqparvar koʻchalarida tok kuchlanishi pastligi sababli yangi transformator oʻrnatish, Ashxobod mahallasida yoshlarni boʻsh vaqtini mazmunli oʻtkazish maqsadida 1-sonli kasb hunar maktab zaliga va futbol maydonchalariga tashqi yoritgichlar o‘rnatish bo’yicha murojaatlar bildirildi. 

Uchrashuvlar davomida murojaatlarning yechimi yuzasidan amaliy ishlar olib borilishi bo’yicha tushuntirishlar berildi.