Talabalar shaharchasi markaziy ko‘p tarmoqli poliklinikasida o‘rganish ishlari amalga oshirildi

Xalq deputatlari Olmazor tuman Kengashi deputati A. Aminov va Kengash kotibiyati bosh mutaxassisi U. Shopotixovlar ishtirokida Talabalar shaharchasi markaziy ko‘p tarmoqli poliklinikasida aholi salomatligini muhofaza qilish, tibbiy xizmatlar sifati va ularning o‘z vaqtida ko‘rsatilishi holati yuzasidan o‘rganish ishlari olib borildi.

O‘rganish davomida:

Aholiga birlamchi va ixtisoslashtirilgan tibbiy yordam ko‘rsatish sifati;
Fuqarolarning qabul jarayonlari va murojaatlariga munosabat;
Tibbiyot xodimlarining xizmat ko‘rsatish madaniyati;
Bepul berilishi belgilangan dori vositalari bilan ta’minlash holati;
Dori vositalarining mavjudligi va ularni tarqatish tartibiga rioya etilishi masalalari atroflicha ko‘rib chiqildi.

O‘rganish yakunlari bo‘yicha aniqlangan kamchiliklarni bartaraf etish hamda aholiga ko‘rsatilayotgan tibbiy xizmatlar sifatini yanada oshirish yuzasidan tegishli tavsiya va takliflar berildi.