“Orjap” máhállesindegi elektr tarmaqları jaǵdayın úyrendi

Xalıq deputatları rayonlıq Keńesi 23-sanlı “P.Ibadullaev” saylaw okrugi “Adolat” social demokratik partiyası deputatı K.Jorabekov “Orjap” máhállesindegi elektr támiynatı menen baylanıslı jaǵdaydı úyreniw maqsetinde aymaqqa bardı. Elektr jetkerip beriw tarmaqları, tayanısh baǵanaları hám transformator punktleriniń texnikalıq jaǵdayı kózden ótkerildi.

Sonday-aq, aymaqta elektr támiynatınıń sapasın jaqsılaw, tarmaqlardı modernizaciyalaw hám xalıqtı úzliksiz elektr energiyası menen támiyinlew boyınsha ámelge asırılıp atırǵan jumıslar dodalandı. Deputat tárepinen bul máseleler boyınsha jámiyetlik qadaǵalaw dawam ettiriletuǵını atap ótildi.