Joriy yil 28 iyun kuni Beruniy tumani "Shabboz" mahalla fuqarolar yig‘ini binosida 29-"Hamza" saylov
okrugidan saylangan Xalq deputatlari Beruniy tuman Kengashi deputati Yuldasheva
Raxima Xaitbaevna tomonidan o‘z saylovchilari oldida 2024 yilning 6 oyi davomida
amalga oshirilgan ishlari yuzasidan hisobot berildi. Bundan tashqari, deputat uchrashuv davomida
mamlakatimizda amalga oshirilayotgan islohotlarning borishi, hukumatimiz tomonidan
yangi qabul qilingan qonunlarning mohiyati va ahamiyatini saylovchilarga tushuntirib
berdi. Uchrashuv davomida aholidan bir nechta murojaatlar kelib tushdi. Tegishli
tashkilotlar: "Beruniytumangaz", "Qoraqalpoq xududiy elektor tarmoqlari"
aksiyadorlik jamiyatining Beruniy tuman elektr ta’minoti korxonasi, “Qoraqalpoq
suv ta’minoti” MChJ Beruniy tumani bo‘limidan tashrif buyurgan xodimlar aholi murojaatlarini
tinglab, o‘z fikrlarini bildirdilar va amaliy yordam beradigan bo‘ldilar. Kelib tushgan 8 ta murojaatning 5 tasi
shu yerning o‘zida ijobiy yechim topdi. Qolgan 3 ta murojaatga deputat tomonidan
deputat so‘rovi chiqarish orqali hal qilinishi belgilandi.