Yurtimizda turli millat vakillarining tinch-totuv, ahil-inoq istiqomat qilayotgani, yagona Vatan tushunchasining qalblarga muhrlangani mamlakat taraqqiyotida muhim ahamiyat kasb etmoqda. Buning amaliy isboti sifatida  MTDP Sirdaryo viloyati Kengashi "Ayollar" qanoti yo'nalishi, Oʻzbekiston Respublikasi Senati huzuridagi Yoshlar Parlamenti a'zosi Asadbek Qanoxatov hamda Guliston shahar kengashi deputati Dilorom Xolmatovalar tashabbusi bilan shaharning Quvonch maktabgacha ta'lim tashkilotida "Millatlararo totuvlik va dinlararo bag'rikenglik — yuksalish poydevori!" mavzusida ma’naviy-ma’rifiy tadbir o‘tkazildi. Tadbir davomida shahrimizda diniy bagʻrikenglik va turli millat vakillariga qaratilayotgan eʼtibor, birgalikda amalga oshirilayotgan loyihalar toʻgʻrisida atroflicha maʼlumot berildi, turli millatlarning she'r, ashula va raqslari ijro etildi.