2024-yil 21-iyun kuni soat 10-00da Chinoz tumani hokimligi kichik majlislar zalida Xalq deputatlari Chinoz tumani Kengashi doimiy komissiyalarining qo‘shma majlisi bo‘lib o‘tdi. 

Kun tartibida quyidagi masalalar ko‘rib chiqildi:

1. O‘zbekiston Respublikasi Vazirlar Mahkamasining 2022-yil 29-apreldagi 228-sonli qarorining ijrosi, tumanda “Temir daftar”, “Ayollar daftari”, “Yoshlar daftari” asosida amalga oshirilayotgan ishlar hamda hududlarda ijtimoiy va ishlab chiqarish infratuzilmasini rivojlantirish dasturiga kiritilgan loyihalarning bajarilishi yuzasidan joriy yilning yanvar-iyun oylarida amalga oshirilgan ishlar haqida tumandagi 1-sektor kotibi J.Saidovning hisoboti eshitildi;

2. Chinoz tumanida yangi ish o‘rinlarini yaratish va aholi bandligini ta’minlash borasida joriy yilning yanvar-iyun oylarida amalga oshirilgan ishlar yuzasidan Kambag‘illikni qisqartirish va bandlikka ko‘maklashish bo‘limi boshlig‘i o‘rinbosari R.Pardayevning hisoboti eshitildi;

3. Chinoz tumani hududidagi ma’muriy-hududiy birliklar chegaralarini belgilash to‘g‘risida Respublika aerogeodeziya markazi Samarqand hududlararo bo‘linmasi rahbari R.Xatamovning hisoboti eshitildi ;

4. Chinoz tumani mahalliy byudjetining 2024-yil 1-chorak ijrosi hamda 2024-yil 1-chorak yakuni bilan shakllangan daromadlar rejasini orttirib bajarilgan qismi mablag‘larini sohalar bo‘yicha taqsimoti to‘g‘risida Iqtisodiyot va Moliya bo‘limi boshliq o‘rinbosari B.Alishevning hisoboti eshitildi;

5. Chinoz tumani Adliya bo‘limining 6-iyundagi “Qonun hujjatlarining buzilishi, ularning sabablari va bunga olib keluvchi shart-sharoitlarni bartaraf etish to‘g‘risida” gi 1-10/1-7//136-sonli qarorini bekor qilish to‘g‘risida Adliya bo‘limining bosh maslahatchisi M.Ernazarov axborot berib o‘tdi;

6. Xalq deputatlari Chinoz tumani Kengashi deputatlari va kotibiyat xodimlarining xorijiy mamlakatlarga chiqishi bilan bog‘liq munosabatlarini tartibga solish to‘g‘risida Odob-axloq masalalari bo‘yicha doimiy komissiya raisi F.Ibragimovning axboroti eshitildi;

7. Chinoz tumani hokimining 2024-yil 13-iyundagi 194-10-144-Q/24-sonli qarorini tasdiqlash to‘g‘risida. 

Majlis kun tartibidagi masalalar muhokamasida deputatlar N.Muhamadiyeva, Sh.Ergashov, B.Saydullayev, J.Malikovlar o‘zlarining savol, taklif va fikr-mulohazalarini bildirib o‘tdilar. Doimiy komissiya a’zolari tomonidan bildirilgan fikr-mulohazalarni inobatga olib, Xalq deputatlari Chinoz tumani Kengashining navbatdagi sessiyasi kun tartibiga kiritish to‘g‘risida tegishli qarorlar qabul qilindi.