Yozgi taʼtilda asosan bolalar, maktab o‘quvchilari dam olish oromgohlariga borishadi. Bugun yozgi oromgohlarda barcha shart-sharoitlar zamon talabiga javob beradigan darajadadir. Ammo besh qo‘l barobar bo‘lmagani kabi barcha bolalar yozgi oromgohlarini ham talabga javob beradi deb bo‘lmaydi. Xalq deputatlari Ishtixon tuman Kengashi deputatlari M.Raximov va N.Kiyamov tomonidan, yozgi mavsumda bolalar dam olish va sog‘lomlashtirish oromgohlarini o‘rganish o‘tkazishdi. Unga binoan har bir hududning tumanlarida joylashgan hamda oromgohlari yo‘q hududlarning maktab va tashkilotlar binolarida tashkillashtirilgan yozgi dam olish oromgohlarining shart sharoitlari o‘rganilmoqda.

Ishtixon tumanida joylashgan “Quvnoq” bolalar sog‘lomlashtirish oromgohining bolalar uchun yaratilgan barcha sharoitlar bilan tanishdi. Ushbu oromgohning bola sig‘imi 100 kishiga mo‘ljallanganiga qaramasdan 105 nafar dam oluvchini qabul qilgan va ularga dam olishlari uchun barcha sharoitlarni yaratib bergan. Oromgohda bolalarning yozni mazmunli tartibda o‘tkazishlari uchun sport maydonchasi, 530 dan ziyod turdagi kitoblari bilan kutubxona, internet aloqasi ulangan kompyuter xonasi va bundan tashqari ko‘rik xonalari tashkillashtirilgan. Yoz suvsiz bo‘lmagani kabi katta 2 kunda bir suvi almashadigan bolalar cho‘milish havzasi ham barcha sharoitlari bilan bolalar ixtiyoriga havola etilgan.