Maʼlumki, yurtimizda bayram arafalarida bemorlar, oʻzgalar koʻmagiga muhtoj va yolgʻiz keksalar holidan xabar olish, ularni koʻnglini koʻtarish hamda har tomonlama yordamlar koʻrsatish xalqimiz orasida mustahkam davom etib kelayotgan anʼanalardan biriga aylangan.

Bugun Xalq deputatlari Yangiobod tuman Kengashi raisi, tumani hokimi Ibrohim Qarshiboyev yaqinlashib kelayotgan Qurbon hayiti arafasida tumanning 1-sektoriga qarashli Sovot mahallasidagi ijtimoiy himoyaga muhtoj oilalarga tashrif buyurib, ularning holidan xabar oldi.

Shuningdek, ularning muammolari, oilaviy sharoitlari va istaklari yuzasidan suhbatlashilib, bayram sovg‘asi sifatida oziq-ovqat mahsulotlari ulashildi. Qurbon hayiti munosabati bilan mehr-oqibat, sahovat va insonparvarlikning muhim koʻrinishi aks etgan bu kabi xayrli tadbirlar tumanimizning barcha mahallalarida davom etmoqda.