Ma’lumki, O‘zbekiston Respublikasining “Xotin-qizlarni tazyiq va zo‘ravonlikdan himoya qilish to‘g‘risida”gi Qonuni (O‘RQ–561, 2019-yil 2-sentabr) xotin-qizlarning huquq va erkinliklarini himoya qilish, ularni turli ko‘rinishdagi tazyiq va zo‘ravonliklardan asrash hamda jamiyatda sog‘lom ijtimoiy muhitni ta’minlashga qaratilgan muhim huquqiy hujjatdir.

Mazkur qonunning mazmun-mohiyatini keng jamoatchilikka yetkazish maqsadida Xalq deputatlari Ishtixon tumani Kengashi deputati Umirova Manzura Ro‘zimurot qizi tomonidan tumandagi “Maroqand sifat tekstil” MCHJ korxonasi xodimlari ishtirokida targ‘ibot uchrashuvi o‘tkazildi.

Uchrashuv davomida xotin-qizlarni tazyiq va zo‘ravonlikdan himoya qilishning huquqiy asoslari, bunday holatlarning oldini olish choralari hamda fuqarolarning qonun bilan kafolatlangan huquqlari haqida batafsil tushuntirishlar berildi.