📌 DEPUTATLIK SO‘ROVI YUZASIDAN MA’LUMOT

Xalq deputatlari Sherobod tuman Kengashining 16-“Katta hayot–Do‘stlik” saylov okrugi deputati T. Mirzayev tomonidan Sherobod tumani hokimining o‘rinbosari, Obodonlashtirish boshqarmasi boshlig‘i
E. Musayevga deputatlik so‘rovi yuborilgan edi.

Mazkur so‘rovda Sherobod tumani “Katta hayot” mahallasidagi Nashida ko‘chasining 3 km qismi ta’mirtalab holatga kelib qolgani sababli ushbu yo‘lni ta’mirlashda amaliy yordam ko‘rsatish masalasi ko‘tarilgan.

Ushbu murojaat yuzasidan tuman hokimining o‘rinbosari, Obodonlashtirish boshqarmasi boshlig‘i E. Musayev tomonidan ma’lum qilinishicha, 2026-yilda Xalqaro taraqqiyot uyushmasi va Osiyo infratuzilmaviy investitsiyalar banki ishtirokida “O‘rta shaharlarni kompleks rivojlantirish” loyihasi doirasida Sherobod tumani markazidagi 8 ta mahallada ichimlik suvi tarmoqlarini tortish rejalashtirilgan.

Unga ko‘ra, 2026-yilning II choragida ichimlik suvi quvurlarini yotqizish ishlari yakunlanishi belgilangan.

Shu sababli tuman markazidagi ta’mirtalab ichki yo‘llarni ta’mirlash ishlari ichimlik suvi quvurlari o‘tkazilganidan so‘ng amalga oshirilishi ma’lum qilindi.