Múbárek Ramazan ayın múnásip túrde ótkeriw haqqında Ózbekstan Respublikası Prezidentiniń qararına muwapıq “Ramazan – miyrim-shápáát, awızbirshilik hám shúkirshilik ayı” degen iygilikli ideya tiykarında qatar ilajlar belgilendi.

  - «Saqawat, miyrim-shápáát hám shúkirshilik belgisi bolǵan bul muqaddes kúnlerde ishki bazarlarda bahanıń turaqlılıǵın támiyinlew hár qashanǵıdan da áhmiyetli», – dep mámleketimiz basshısı atap ótip, diyqan bazarları hám iri sawda komplekslerinde arzanlastırılǵan azıq-awqat yarmarkaların baslaw boyınsha tapsırma berdi. Muqáddes ay qarsańında talap keskin artıwı múmkin bolǵan sociallıq áhmiyetke iye azıq-awqat ónimleri bahalarınıń turaqlılıǵın támiyinlew tiykarǵı wazıypa etip belgilendi.

Bul baǵdarda Ózbekstan "Adolat" social-demokratiyalıq partiyası is-rejesinen kelip shıǵıp fevral ayında sıpatsız ónimler islep shıǵarıw hámde bahanıń bazarlarda jasalma kóteriliwine qaratılǵan háreketler aldın alıw baǵdarında partiya úyreniw belgilengen edi. "Adolat" SDP Qaraózek rayonlıq Keńesi hám Xalıq deputatları rayonlıq Keńesindegi deputatlıq toparı baslaması menen rayonlıq diyxan bazarında ónimlerdiń baha hám sapalarınıń turaqlılıǵın saqlaw boyınsha deputatlıq qadaǵalaw jumısları alıp barıldı. Úyreniwge rayonlıq Keńes baslıǵı G.Yusupova (https://t.me/qaraozek_xdrk_15), deputatlar, rayonlıq sanitariya epidemiologiyalıq tınıshlıq orayı, salıq inspekciyası hám sawda-sanaat palatası, tutınıwshılar huqıqların qorǵaw jámiyeti wákilleri qatnastı.

Usaqlap satıw tarmaqları hám sawda kompleksleri, dúkanlarda ónim jetkerip beriwshi kárxanalar, isbilermenler tiykarsız bahanı arttırıw jaǵdaylarına jol qoymaw boyınsha eskertilinip, tutınıwshılar ushın jeńilletilgen bahada yarmarkalardıń shólkemlestiriliwi hám ónimlerdi sanitariya-gigienalıq talaplarǵa say saqlanıwı boyınsha alıp barılıp atırılǵan jumıslar kózden keshirildi. Deputatlıq topardıń usınısı menen bul jumıslardı elede janlandırıw boyınsha tiyisli taraw wákilleriniń esabatın turaqlı komissiya májilisinde tıńlaw belgilendi.