Шымбай  районында  «8-март – Халықаралық ҳаял-қызлар күни» мүнәсибети менен салтанатлы байрам илажи өткерилди

Ѳзбекстан Республикасы Министрлер Кабинетиниң 2018-жыл 2-апрель күнги «МЎЪТАБАР АЁЛ» кѳкирек белгисин енгизиў ис-илажлары ҳаққындағы 257-санлы Қарарына тийкар Елимизде әмелге асырылып атырған реформаларды турмысқа енгизиў,  ҳаял-қызлардың жәмийетлик ҳәм сиясий белсендилигин асырыў, тараўларда әмелге асырып атырған жемисли мийнетлери есапқа алынып 8-март – Халық-аралық ҳаял-қызлар байрамы мүнәсибети менен Ержанова Зоя Оразбаевна  «МЎЪТАБАР АЁЛ» кѳкирек белгиси менен сыйлықланады.

Онда районымыздың нураный аналары, жәмийет турмысында белсендилик көрсетип киятырған ҳаял-қызлар, мәкеме, кәрхана ҳәм шөлкем ўәкиллери қатнасты. Илажға Шымбай районы ҳәкими А.Тажетдинов ҳәм сектор басшылары қатнасып, барлық ҳаял-қызларды байрам менен қутлықлады.

Ҳәр бир тараўда өзиниң белгили дәрежеде орны бар бизиң  районымыздың белсенди ҳаял-қызлары  ҳәр қашанғыдай байрам мүнәсибети менен бүгин де иззетте. 

Салтанатлы кешеде мәмлекет ҳәм жәмийет турмысында белсендилиги, өзлериниң нәтийжели мийнети менен ажыралып киятырған бир топар  ҳаял-қызларымыз «Ҳүрмет жарлығы» ҳәм естелик саўғалары менен сыйлықланды. 

Илаж Республикамыздан келген көркем өнер шеберлериниң концерт бағдарламасы менен даўам етти.