O‘zbekiston Respublikasi Prezidentining 2025-yil 10-iyuldagi “O‘zbekiston Respublikasi davlat mustaqilligining o‘ttiz to‘rt yillik bayramiga tayyorgarlik ko‘rish va uni o‘tkazish to‘g‘risida”gi PQ-222-sonli qarori ijrosini ta’minlash maqsadida “Bekobodshahargaz” gaz ta’minoti korxonasidagi ishchi-xodimlar ishtirokida mustaqillikning 34 yilligi munosabati bilan davra suhbati tashkil etildi. Davra suhbatida Xalq deputatlari Bekobod shahar kengashi deputati U.Abdunazarov bu yilgi mustaqillik bayrami “Vatan uchun, millat uchun, xalq uchun!” degan ezgu g‘oya atrofida keng nishonlanishi, davlat mustaqilligining ahamiyati va mohiyati, mustaqillikka erishish jarayonlaridagi qiyinchiliklar, bundan tashqari yurtimizda, jumladan shahrimizda amalga oshirilayotgan keng ko‘lamdagi bunyodkorlik va yaratuvchanlik ishlari to‘g‘risida to‘xtalib o‘tdi. Bunday yaratuvchanlik ishlarida korxonada mehnat qilayotgan ishchi va xodimlarning mehnatini e’tirof etdi.