UShÍRASÍWLAR DAWAM ETPEKTE.

Xalıq deputatları Bozataw rayonlıq Keńesinen 12-«Aspantay» saylaw okrugi deputatı G.Jumanazarovanıń ushırasıwı bolıp ótti. Ushırasıwda 2025-jıl II-sheregi dawamında ámelge asırılǵan deputatlıq jumısları haqqında esabat berilip ótildi. Ushırasıwǵa awıl puqaralar jıyını kóshe biyleri, máhálle belsendileri qatnastı. 

 Atap aytqanda, ѳz saylawshılarıma Húrmetli Prezidentimiz tárepinen Qaraqalpaqstan Respublikasın
sociallıq-ekonomikalıq jaqtan rawajlandırıw boyınsha qabıl etilgen bir qatar párman hám qararlar hám Xalıq deputatları rayonlıq Keńesi sessiyası qararlarınıń mazmun-mánisin túsindirildi. Sonday-aq, bıyılǵı jıldıń elimizde
«Qorshaǵan ortalıqtı qorǵaw hám «jasıl» ekonomika jılı» dep járiyalanǵanlıǵı hám jıl atamasına sáykes qabıl etilgen mámleketlik baǵdarlamada kózde tutılǵan reje hám wazıypalar haqqında da maǵlıwmatlar berildi.  

Sonıń menen birge, Húrmetli Prezidentimizdiń Qaraqalpaqstan Respublikası ushın óz aldına qabıl
etilgen qarar hám pármanları, áhmiyetli hújjetler tiykarında xalıqtıń abadan turmısın támiyinlew boyınsha ámelge asırılıp atırǵan keń kólemli ilajlar haqqında túsinikler berildi. Atap aytqanda, jańa jumıs orınların jaratıwǵa
qaratılǵan iri joybarlardıń iske túsirilip atırǵanlıǵı, isbilermenlik subektleriniń, qurılıp atırǵan keń qamtıwlı sociallıq obektler, puqaralardıń mashqalalarına sheshim tabıw ilajları haqqında keńnen túsinikler berildi.  

Esabat dáwirinde saylawshılardan bir qatar múrájatlar kelip túsken bolıp, olarǵa tiyisli juwapkerler menen birgelikte unamlı sheship berildi. Máselen 6 ayı dawamında jámi 12 múrájat kelip túsken bolıp, olardıń barlıǵınıń unamlı sheshiliwine erisildi. 

Sonday-aq, «Aspantay» APJ aymaqların aǵın suw menen támiyinlewshi «Amiwdarya» daryasına НДН-24 nasos qurılması islemiy qalıwına baylanıslı 84 xojalıq suwsız qalǵan bolıp tiyisli basshılarga deputat sorawları jiberildi. salmasınıń tosılıp qalǵan dáslepki 200 metr aralıǵın qazdırıw nátiyjesinde 50 den artıq xojalıqtıń aǵın suwǵa bolǵan talabı jaqsılanıwına erisildi. Sonı da atap ótiw orınlı, saylawshılar mámleketimizde ámelge asırılıp atırǵan reformalardan razılıǵı, onı hár kúni óz turmısında sezip atırǵanlıǵın bildirdi.