Yoshlarda kitobga muhabbat uyg‘otish, ularning kitobxonlik darajasini oshirishda kutubxonalarning roli katta. Ma’naviyat va ma’rifat o‘chog‘i bo‘lgan kutubxonalar o‘sib kelayotgan yosh avlod ma’naviy dunyosini boyitishga,
kitobga bo‘lgan mehr-muhabbatining oshishiga xizmat qiladi. Kitob mutolaasini oshirish va kitobxonlikni targ‘ib qilish yuzasidan Xalq deputatlari Bekobod shahar kengashi deputatlari Sayyora Ergasheva hamda Kimyoxon Muxidinova Muqimiy mahallasiga tashrif buyurdilar. O‘zbekiston “Milliy tiklanish” DPning “Biz kitobsevar xalqmiz”, “Eski kitobni ber” aksiyasi doirasida badiiy adabiyotlar jamlanmasini mahallaga taqdim etib, mahalladagi “Nuroniylar maskani”da mo‘jaz kutubxona tashkil etildi. Ushbu aksiyadan ko‘zlangan maqsad mahalla aholisi orasida kitobxonlikka bo‘lgan qiziqishni va mehr-muhabbatni orttirish, bo‘sh vaqtlarini mazmunli o‘tkazishdan iboratdir. Deputatlar va mahalla faollari tomonidan yana ko‘p turdagi badiiy adabiyotlar keltirib kutubxona fondini yanada ko‘paytirishga kelishib olindi.