📢 Saylovchilar bilan ochiq va qulay muloqot uchun yangi tashabbus

 Xalq deputatlari O‘zbekiston tumani Kengashining 4-G‘afur G‘ulom saylov okrugi deputati Inomjon Isroilov o‘z saylov okrugida maxsus axborot stendlarini o‘rnatdi.

 Ushbu stendlar fuqarolarga: deputatga murojaat yuborish, qabuliga yozilish, taklif va muammolarni yetkazish imkonini beradi.

Suratlarda deputatning o‘zi bevosita stendlarni joylashtirish ishlarini olib borayotgani va saylovchilar bilan muloqot qilayotgani aks etgan. Stendlarda joylashgan QR-kod orqali to‘g‘ridan-to‘g‘ri deputatga murojaat qilish yanada qulaylashtirildi.

Inomjon Isroilov ushbu tashabbus orqali saylovchilarning murojaatlari tez va ochiq shaklda ko‘rib chiqilishini maqsad qilgan.

Hurmatli fuqarolar! O‘zingizga yaqin joyda o‘rnatilgan stenddan foydalaning va murojaatingizni bildiring.